Frantsııanyń qorǵanys mınıstrligi Ýkraınaǵa barlaý derekterin beretinin jarııalady

ASTANA. KAZINFORM — Bul týraly Frantsııa qorǵanys mınıstri Sebasten Lekornıý Vashıngton Kıevpen barlaý málimetterimen almasýyn toqtatqanyn jarııalaǵan kúnniń erteńinde aıtty, dep jazady Reuters.

— Bizde ýkraınalyqtarǵa kómektesý úshin qoldanatyn barlaý resýrsy bar. Bul protsess (AQSh barlaý aqparatyn Ýkraınamen bólisý) kesheden beri toqtatyldy. Meniń oıymsha, AQSh barlaý qaýymdastyǵynyń bóligi sanalatyn brıtanııalyq dostarymyz úshin jaǵdaı kúrdelirek, — dedi Lekornıý France Inter-ge bergen suhbatynda.

Lekornıý sonymen qatar Frantsııanyń qyrǵı-qabaq soǵystyń alǵashqy jyldarynda qurylǵan jáne sol kezdegi ústem derjavalar Vashıngton men Máskeýden táýelsiz damyǵan ıadrolyq arsenalynyń jetkilikti ekenin atap ótti.

Aıta keteıik, AQSh Ýkraınaǵa áskerı jáne barlaý kómegin Donald Tramp pen Vladımır Zelenskııdiń Sopaq keńsedegi shıelenisken qoǵamdyq pikir almasýynan keıin toqtatqan bolatyn.

Buǵan deıin QazAqparat agenttigi AQSh-tyń Ýkraınaǵa kórsetken barlaý kómegi týraly jazǵan bolatyn.