Frantsııanyń Být qalasyn taǵy sý basty

ASTANA. KAZINFORM — Tolassyz jaýǵan jańbyrdyń saldarynan Pa-de-Kale aımaǵyndaǵy ózender arnasynan tasydy. Qalany sý basyp, turǵyndar ábigerge tústi. Bul týraly Euronews saıty habarlady.  

Frantsııanyń soltústiginde oryn tepken shaǵyn Být qalasy osymen tórt aıdyń ishinde besinshi ret sý astynda qalyp otyr. Tolassyz jaýǵan jaýynnyń saldarynan Pa-de-Kaledegi birneshe ózen birinen soń biri arnasynan tasyp, qalany sý basty.

Bul jaǵdaı jergilikti turǵyndar úshin bitpeıtin qorqynyshqa aınaldy. Úzdiksiz jaýǵan jańbyrdyń saldarynan jaǵdaı kúrdelene túsken. Tipti keıbir turǵyndar úshin úıin  laıdan tazartýdyń esh paıdasy bolmaı qaldy. 

Turǵyndar úshin tek jaz maýsymyn kútýden basqa amal qalmady. Kún jylynsa ǵana bul qaýipten qutylamyz degen úmitte. Alaıda, jerdiń tez keýip ketetinine eshqandaı kepildik joq.