Frantsııanyń Ádilet mınıstri mıgratsııany úsh jylǵa toqtatýdy usyndy
ASTANA. KAZINFORM – Mınıstrdiń sózinshe, elge kóshi-qon aǵynyn toqtatyp, elden shyǵarylýy tıis azamattardy deportatsııalaý qajet, dep habarlaıdy DW.
Jerald Darmanen Frantsııaǵa mıgratsııany úsh jylǵa shekteýdi usyndy. Onyń aıtýynsha, Frantsııa shetel azamattaryn ıntegratsııalaý men assımılıatsııalaý boıynsha «óz múmkindiginiń shegine jetken».
Mınıstrdiń sózinshe, elge kóshi-qon aǵynyn toqtatyp, elden shyǵarylýy tıis azamattardy deportatsııalaý qajet. Sonymen qatar ol vıza berý máselesin shetel azamattarynyń Frantsııa aýmaǵynan shyǵý týraly talaptardy oryndaýymen baılanystyrýdy usyndy.
Sondaı-aq Jerald Darmanen eńbek negizinde turýǵa ruqsat alǵan azamattardyń týystaryna otbasymen qosylý tártibi arqyly yqtııarhat berýdi toqtatý qajet ekenin aıtty.
Mınıstr Frantsııa Konstıtýtsııasyna ózgerister engizip, bılikke mıgratsııalyq kvotalardy shekteý, ótinish berýshilerdiń sany, shyqqan eli men biliktiligin talqylaý quqyǵyn berýdi de usyndy.
Frantsııa Іshki ister mınıstrligi málimetinshe, 2025 jyly elde rekordtyq 4,5 mıllıon yqtııarhat berilgen. Onyń árbir úshinshisi otbasymen qosylý negizinde rásimdelgen.
Qazir Frantsııada zańdy túrde turyp jatqan sheteldikter eresek halyqtyń 8 paıyzdan astamyn quraıdy.
Aıta ketelik Frantsııa NATO-nyń Ormýz buǵazyndaǵy mıssııaǵa qatysý múmkindigin joqqa shyǵarǵan edi.
