Frantsııanyń 34 provıntsııasynda qyzǵylt sary dabyl deńgeıi jarııalandy

ASTANA.KAZINFORM - Frantsııanyń 34 provıntsııasynda sý tasqyny men daýyl saldarynan eskertý deńgeıi qyzǵylt saryǵa deıin kóterildi, dep jazady Anadoly.

Frantsııa meteorologıchlyq qyzmetiniń habarlaýynsha, seısenbi kúni 19 provıntsııada oryn alǵan qolaısyz aýa raıy aldaǵy kúnderi eldiń kóptegen aımaqtarynda saqtalady.

Sý tasqyny men daýyl qaýpine baılanysty «qyzǵylt sary dabyl» jarııalanǵan provıntsııalar sany 34-ke deıin, al «sary dabyl» rejımi jarııalanǵan provıntsııalar sany 47-ge jetti.

Eldiń ońtústiginde, Pıreneı aımaǵynyń batysynda, Parıj aımaǵynda jáne Pas-de-La-Lýar provıntsııasynda jel jyldamdyǵy saǵatyna 150 shaqyrymǵa jetip, nóser jaýyn jaýýy múmkin.