Frantsııalyq týrıst Baıqońyr ǵarysh aılaǵyna bara jatqan jolda qaıtys boldy
ASTANA. KAZINFORM – Qaıǵyly oqıǵa Baıqońyr qalasynyń mańynda bolǵan. Bul týraly reseılik 112 Telegram arnasy jazdy.
Belgili bolǵandaı, birneshe kún buryn 27 jastaǵy Nıkolas Karbon men 25 jastaǵy Andjelo Alebetta Parıjden Almatyǵa kelgen. Sodan soń ǵarysh aılaǵy men «Býrandy» kórý úshin Baıqońyrǵa attanǵan.
Eki týrıst tyıym salynǵan aımaqqa jaıaý jetýdi uıǵaryp, kúnniń ystyǵynda kóp kúsh joǵaltqan. Sonyń saldarynan Andjelonyń murnynan qan ketip, aqyry ol esinen tanyp qulap qalady. Sol ýaqytta Nıkolas «Samara – Shymkent» tasjolyna júgirip baryp, qazaqstandyq polıtseılerdi kómekke shaqyrady. Biraq dosynyń halin túsindire almaǵan. Polıtseıler týrısti ǵarysh aılaǵynyń ótkizý pýnktine jetkizip, zardap shegýshini izdeýge kirisedi.
Andjelony keziktirgende onyń óli kúıinde jatqanyn ańǵarǵan. Marqumnyń denesinen zorlyq-zombylyq belgileri tabylmaǵan. Qazirgi kezde tergeý amaldary júrip jatyr.
Baıqońyr qalasynyń ákimshiligi, sondaı-aq QR Prezıdentiniń «Baıqońyr» keshenindegi arnaıy ókiliniń keńsesi mundaı týrıster qalaǵa jáne ǵarysh aılaǵyna barý týraly resmı túrde ótinish bermegenin rastady. Osy ekstremaldy týrıstik oqıǵanyń qaıǵyly oqıǵasy týraly tolyǵyraq Roskosmos nemese oqıǵa aımaǵyna jaýapty Máskeý oblysynyń ishki ister basqarmasy baıandap bere alady.
