Frantsııalyq qor qaterli isikti erte anyqtaıtyn tsıfrlyq mammograftardy tartý etti
ASTANA. KAZINFORM – Qazaqstan men Frantsııa arasynda telemedıtsınany paıdalaný arqyly sút bezi obyryn erte anyqtaıtyn FASEP jobasy iske qosyldy. Osylaısha, elordanyń úsh medıtsınalyq mekemesine 3D-tomosıntez fýnktsııasy bar tsıfrlyq mammograf jetkizildi.
3D-tomosıntez fýnktsııasy bar tsıfrlyq mammograf − isikterdi joǵary dáldikpen erte anyqtaýǵa múmkindik beretin zamanaýı vızýalızatsııalaý júıesi.
Bastama Frantsýz áleýmettik kómek qorynyń qoldaýymen júzege asyrylyp jatqan «Qazaqstanda sút bezi obyryn skrınıngteýge arnalǵan dıagnostıkalyq vızýalızatsııalaý sheshimderi» baǵdarlamasy sheńberinde iske asyp otyr.
− Biz bul apparattyń dıagnostıka sapasyn arttyryp, jalǵan oń nátıjelerdiń sanyn azaıtýǵa, jańa isiktermen tirkelgen nýqastardy tıimdi baqylaýǵa múmkindik beretinine senimdimiz. Búgin biz elimizdegi áıelder densaýlyǵyn jaqsartý jolynda mańyzdy qadam jasap otyrmyz, - dedi QR Densaýlyq saqtaý mınıstri Aqmaral Álnazarova.
Jabdyqtar Respýblıkalyq medıtsınalyq-sanıtarııalyq alǵashqy kómek kórsetý ortalyǵyna, Qazaq onkologııa jáne radıologııa ǵylymı-zertteý ınstıtýtyna jáne Astana qalasyndaǵy №7 qalalyq emhanaǵa berildi.
Aıta keteıik, Astanada Qazaqstan men Frantsııa arasyndaǵy iskerlik baılanystardy damytýǵa arnalǵan Qazaqstan-Frantsııa bıznes-forýmy ótti. Qazaqstanda frantsýz ınvestıtsııasy bar 170 kompanııa jumys isteıdi.