Frantsııaǵa «Pedro» daýyly jaqyndap keledi

ASTANA. KAZINFORM – «Pedro» daýyly basqan aýmaqtarǵa nóser jańbyr alyp kelmek, dep habarlaıdy Euronews. 

Frantsııanyń batysyndaǵy tórt departament sý tasqyny qaýpine baılanysty eń joǵary daıyndyq rejımine kóshti. «Qyzyl» dabyl deńgeıi Prımorskaıa Sharanta, Jıronda, Lo ı Garonna jáne Men ı Lýara departamentterinde jarııalanǵan.

Taǵy toǵyz departamentte «Pedro» atty jańa kúshti daýyldyń jaqyndaýyna baılanysty «qyzǵylt sary» dabyl rejımi engizildi.

Aldyńǵy kúngi qysqa merzimdi tynyshtyqtan keıin Bretan aımaǵynda jaýyn-shashyn qaıta bastaldy.

Ekologııalyq kóshý mınıstri Monık Barbıý «1959 jyldan beri bolmaǵan topyraq ylǵaldylyǵynyń rekordtyq deńgeıin» atap ótip, muny klımattyń ózgerýimen baılanystyrdy.

Mınıstr sondaı-aq úkimet qolaısyz aýa raıynan zardap shekkenderge qoldaý kórsetetinin málimdedi.

Lo ı Garonna departamentinde seısenbi kúni shamamen 1700 adamdy evakýatsııalaýǵa týra kelgen. Al Anje qalasynyń meri «sońǵy 25 jylda bolmaǵan sý tasqyny deńgeıi» týraly málimdedi.

Aıta ketelik Frantsııanyń ońtústik-batysynda 100 myń gektardan astam jer sý astynda qalǵan edi.