Frantsııadaǵy jappaı tártipsizdikter kezinde 2 myńnan astam adam ustaldy
ASTANA. KAZINFORM — Frantsııada jappaı narazylyq sharalary tártipsizdikterge ulasyp, 2 myńnan astam adam ustaldy. Qaqtyǵystar kezinde polıtsııa men órt sóndirý qyzmetiniń 600-den astam qyzmetkeri zardap shekken. Osy jaǵdaıǵa baılanysty Frantsııa prezıdenti Emmanýel Makron halyqqa úndeý jasamaqshy. Bul týraly DW agenttigi jazdy.
Ustalǵandar sany týraly eldiń ishki ister mınıstri Loran Nýnes málimdedi. Onyń aıtýynsha, ázirge jarııalanǵan derekter aldyn ala alynǵan. Mınıstr tártipsizdik pen zorlyq-zombylyqqa qatysqandardyń barlyǵy jaýapqa tartylatynyn aıtty.
Narazylyq aktsııalary Parıj, Marsel, Lıon, Bordo, Renn, Strasbýrg, Grenobl, Nıtstsa jáne Lımoj qalalarynda ótti. Uıymdastyrýshylardyń málimetinshe, sherýlerge 800 myńnan astam adam qatysqan. Narazylar ómir súrý qunynyń, janarmaı baǵasynyń ósýine jáne memlekettik qyzmetterdiń jumysyna qatysty máselelerge nazar aýdarýdy talap etti.
Alaıda narazylyqtar tártipsizdikke ulasty. Marselde aktsııaǵa qatysýshylar merııa ǵımaratyna kirse, Bordoda júzge jýyq dúken tonaldy. Al Lımoj qalasynda shyqqan órt saldarynan XIX ǵasyrda salynǵan tarıhı merııa ǵımaratyna aıtarlyqtaı zaqym keldi.
Osy jaǵdaıǵa baılanysty Emmanýel Makron 18 qazan kúni keshke halyqqa úndeý jasamaq. Buǵan deıin ol eldegi ahýaldy premer-mınıstr Sebasten Lekornıý jáne birneshe mınıstrmen talqylaıdy.
Aıta ketelik Parıj kóshelerin tazalaýǵa kommýnaldyq qyzmetkerler úsh ese kóp jumyldyrylǵan edi.
