Frantsııadaǵy Reseı konsýldyǵy janynda jarylys boldy

ASTANA. KAZINFORM – Frantsııanyń Marsel qalasyndaǵy Reseı bas konsýldyǵynyń janynda jarylys boldy. Aldyn ala málimet boıynsha, zardap shekkender joq, dep habarlaıdy TASS aqparat agenttigi. 

BFMTV arnasynyń habarlaýynsha, jarylys jergilikti ýaqyt boıynsha saǵat 08:00 shamasynda bolǵan. Oqıǵa ornyna órt sóndirý jáne órtten qutqarý qyzmetiniń 30-ǵa jýyq qyzmetkeri keldi.

Valeurs Actuelles jýrnalynyń tilshisi óz kezeginde belgisiz bireýler konsýldyq aýmaǵyndaǵy baqshaǵa tutandyrǵysh qospasy bar eki ydysty laqtyryp jibergenin naqtylady. Oqıǵa ornynan urlanǵan kólik anyqtaldy. 

Aldyn ala málimet boıynsha, másele tek materıaldyq shyǵyn týraly bolyp otyr. 

Buǵan deıin Máskeýdegi «Ale parýsa» turǵyn úı kesheninde jarylystan bir adam qaza tapqanyn jazǵan bolatynbyz.