Frantsııadaǵy órtke baılanysty 5 myńǵa jýyq adam evakýatsııalandy
ASTANA.KAZINFORM — Frantsııanyń ońtústigindegi Jıronda departamentinde orman órtenip, qaýipsizdik maqsatynda shamamen 5 myń adam evakýatsııalandy, dep habarlaıdy BelTA.
Órt Somo kommýnasy mańyndaǵy 900 gektar aýmaqty sharpyǵan. Tilsiz jaý Arkashon shyǵanaǵynyń soltústigine qaraı taralyp jatyr.
Jergilikti prefektýra kórshiles Porj kommýnasynyń 700 turǵynyn evakýatsııalaý týraly sheshim qabyldady. Sonymen qatar jaqyn mańdaǵy kempıngten 3,5 myń adam jáne kóshpeli eldi meken turǵyndary qaýipsiz jerge kóshirilip, Lakano kommýnasyna jetkizildi.
Órtti sóndirýge 500 órt sóndirýshi, 4 iri órt sóndirý ushaǵy jáne tórt jeńil motorly ushaq jumyldyryldy. Jaqyn ýaqytta oqıǵa ornyna taǵy 200 órt sóndirýshi kelýi tıis.
Buǵan deıin Frantsııa prezıdenti Emmanıýel Makron Parıjdiń «jasyl ókpesi» sanalatyn Fontenblo ormanynyń 10 paıyzy órt saldarynan kúlge aınalǵanyn málimdegen bolatyn.
Qazir biraz elde ormandar órtenip jatyr. Máselen, Aljırdiń soltústik jáne soltústik shyǵys aýmaǵyndaǵy ormandardan órt shyqty. Tilsiz jaýdan 6 adam kóz jumyp, 100-ge jýyq turǵyn zardap shekti.
