Frantsııadaǵy orman órti: 4 órt sóndirýshi qaza taýyp, 230-dan astamy jaralandy
ASTANA. KAZINFORM — Frantsııada bıyl 116 myń gektar aýmaq janyp ketti. Órtpen kúres barysynda tórt órt sóndirýshi qaza taýyp, 230-dan astam adam jaraqat aldy, dep habarlaıdy Anadoly.
Іshki ister mınıstri Loran Nýnestiń aıtýynsha, qaza bolǵandardyń barlyǵy órt oshaqtaryn anyqtaý jumystary kezinde bolǵan jazataıym oqıǵalardyń qurbany bolǵan. Olardyń biri 8 shildede Savoııa departamentinde, ekeýi 22 shildede Jıronda departamentindegi Merınıak qalasynda, taǵy biri Býsh-dıý-Ron departamentinde kóz jumǵan. Al turǵyndar arasynda qaza tapqandar joq.
El tarıhyndaǵy eń iri órtterdiń biri bolǵan Jırondadaǵy alapat órtti sóndirýge 3 300 órt sóndirýshi, 1 500 áskerı qyzmetker, 1 250 polıtsııa jáne jandarmerııa qyzmetkeri, sondaı-aq áýeden qoldaý kórsetken 24 áýe kemesi jumyldyrylǵan.
Loran Nýnes órtke qatysty qylmystarǵa kúdikti retinde 275 adamnyń ustalyp, olardyń 31-i qamaýǵa alynǵanyn aıtty.
Bıyl Frantsııa tarıhyndaǵy eń aýqymdy órt maýsymyn bastan ótkerip otyr. Jyl basynan beri elde 116 myń gektar aýmaq otqa oranǵan.
Aıta keteıik, Frantsııadaǵy orman órtteri qaýipti «ot bulttarynyń» týyndaýyna sebep boldy.
