Frantsııadaǵy oqýshylar narazylyǵynan kelgen shyǵyn 30 mln eýroǵa jetti
ASTANA. KAZINFORM — Frantsııada oqýshy jastardyń narazylyq aktsııalary báseńdep keledi. Frantsııanyń Ulttyq bilim mınıstrligi muǵalimder jetispeýshiligi asa ótkir baıqalatyn lıtseılerge ýaqytsha jumys isteıtin 3 myńǵa jýyq muǵalimdi jiberýdi bastady. Sonymen qatar jergilikti buqaralyq aqparat quraldary narazylyq aktsııalary saldarynan 30 mln eýro kóleminde shyǵyn kelgenin habarlady. Bul týraly Kazinform agenttiginiń menshikti tilshisi habarlady.
Bilim mınıstri Edýar Jeffre 8 qazan kúni keshke TF1 telearnasynyń efırinde júıede jumys isteıtin, biraq sabaq bermeıtin muǵalimder 9-13 qazan aralyǵynda bilim berý uıymdaryna jiberiletinin málimdedi.
Birinshi kezekte «qyzyl» aımaqtaǵy 114 lıtseı men «qyzǵylt sary» aımaqtaǵy shamamen 400 oqý orny qamtylady. Óńirlik bilim basqarmalaryna belgilengen kvotadan tys taǵy birneshe júz muǵalimdi jumysqa qabyldaýǵa ruqsat berildi. Mınıstr bul sharalardy jyl sońyna deıin júzege asyrýǵa birneshe ondaǵan mıllıon eýro jumsalatynyn aıtty.
Premer-mınıstr Sebastıan Lekornıý bul jospardy qoldap, qazan aıynyń sońyna deıin, onyń ishinde bıýdjetke túzetýler engizýdi kózdeıtin aýqymdy sheshimder paketi usynylatynyn ýáde etti. Oqýshylar kásipodaqtary bul qadamdy alǵashqy naqty jaýap dep baǵalaǵanymen, ony jetkiliksiz dep sanaıtynyn jetkizdi. Olar kelesi narazylyq aktsııasy 13 qazanda ótetinin rastady.
Bilim mınıstrliginiń málimetinshe, 9 qazan kúni tańerteń 141 lıtseı áli de jabyq bolǵan. Al 8 qazanda kúnniń ár ýaqytynda 224-ten 375-ke deıingi oqý orny tolyq nemese ishinara jumys istemegen. Polıtsııa Parıjdiń ortalyǵyndaǵy Assas ýnıversıtetiniń qorshaýyn alyp tastady. Mines Paris ınjenerlik mektebinde de tártip buzýshylyqtar tirkeldi.
Іshki ister mınıstrliginiń baǵalaýynsha, 8 qazandaǵy narazylyq aktsııalaryna 71,5 myń adam qatysqan. Olardyń shamamen 24,5 myńy Parıjdegi Bastılııa alańyna jınalǵan. 500-den astam adam ustalyp, 48 polıtseı jaraqat alǵan. Bordo qalasynda polıtsııa bólimshesin órteý, Sent-Etende mektepti talqandaý, Týlýza men Marselde muǵalimderge shabýyl jasaý oqıǵalary tirkeldi.
Narazylyq qozǵalysy 17-21 qyrkúıek aralyǵynda Parıj mańyndaǵy Kreteı qalasyndaǵy Sent-Ekzıýperı lıtseıinde bastalyp, keıin Il-de-Frans óńirinen tys jerlerge de tarady. 15-18 jas aralyǵyndaǵy oqýshylar sabaqqa kelmeıtin muǵalimderdiń ornyna mamandar jiberýdi, synyptardaǵy oqýshy sanyn azaıtýdy, ǵımarattardy jóndeýdi, oqý kúnin qysqartýdy jáne joǵary oqý oryndaryna qabyldaý júıesi – Parcoursup júıesin qaıta qaraýdy talap etip otyr. Oqýshylar kásipodaqtary qajetti ınvestıtsııa kólemin shamamen 10 mlrd eýro dep baǵalaıdy. Narazylyq aktsııalaryna keıbir ýnıversıtetter, muǵalimder kásipodaqtary men ata-analar da qosyldy.
Narazylyqtyń sharyqtaý shegi 6 qazanda tirkeldi. Іshki ister mınıstrligi aktsııalarǵa 256 myń adam qatysqanyn habarlasa, uıymdastyrýshylar olardyń sanyn 450 myń dep baǵalady. Prezıdent Emmanıýel Makron Elıseı saraıynda jedel keńes ótkizdi. Bılik ókilderi talaptardyń bir bóligin negizdi dep moıyndaǵanymen, tártipsizdikterdi aıyptap, zorlyq-zombylyqty ýshyqtyrdy dep ýltrasolshyldardy kinálady.
Narazylyq aktsııalary qatań bıýdjet ázirlenip jatqan jáne 2027 jylǵy prezıdent saılaýyna birneshe aı qalǵan kezeńde ótip jatyr.
Aıta ketelik Frantsııadaǵy oqýshylar kótergen másele nege saıası sıpat alǵany týraly jazǵan edik.
