Frantsııadaǵy Qazaqstan azamattary ákimshilik sanktsııasyz qaıtarylady
ASTANA. KAZINFORM — Búgin Senattyń jalpy otyrysynda «Qazaqstan Úkimeti men Frantsýz Úkimeti arasyndaǵy adamdardy readmıssııalaý týraly kelisimdi ratıfıkatsııalaý týraly» Zań maquldandy.
Kelisimge Memleket basshysynyń Frantsýz Respýblıkasyna resmı sapary barysynda 2024 jylǵy 5 qarashada qol qoıyldy.
- Kelisim tıisti maqsattardy iske asyrýǵa baǵyttalǵan. Osy oraıda kóshi-qon protsesterin basqarý jáne zańsyz kóshi-qonǵa qarsy is-qımyl salasyndaǵy Qazaqstan men Frantsııa memleketteri arasyndaǵy ekijaqty yntymaqtastyq úshin quqyqtyq negiz jasaý eskerilgen. Kelisim taraptary sanalatyn memleketter aýmaǵyna zańsyz kelgen, onda bolǵan nemese turatyn adamdardy qaıtarýdyń tıimdi tetigin qamtamasyz etý, kóshi-qon rejımderin teris paıdalanýdyń aldyn alý qarastyrylǵan. Ratıfıkatsııalaýǵa usynylyp otyrǵan qujat adamdardy readmıssııalaý jáne tranzıtteý tetikterin iske asyrýǵa baǵyttalǵan quqyqtyq, ákimshilik jáne rásimdik sharalardyń egjeı-tegjeıli tártibin belgileıdi, - dedi senator Qaırat Tastekeev.
Atap aıtqanda, Kelisim myna normalardy qamtıdy:
- readmıssııa, tranzıt, quzyretti organdar jáne basqa da shartty tıimdi qoldanyp, onyń erejelerin túsinýdiń birizdiligin qamtamasyz etýge baǵyttalǵan anyqtamalar kózdeledi;
- readmıssııalaýdyń rásimderi, atap aıtqanda onyń negizderi, readmıssııalaý týraly ótinishhattyń mazmuny men oǵan jaýap berý merzimi, zańsyz kelýdi rastaıtyn dáleldemeler tizimi, konsýldyq tyńdaýlar ótkiziletin jaǵdaılar retteledi;
- tranzıtteýdiń sharttary men qaǵıdattary, onyń rásimderi, tranzıtteýden bas tartý negizderi naqty anyqtalady;
- jol júrý qujattaryn berý, adamdardy berýdi uıymdastyrý, eki memlekettiń Kelisimdi iske asyrýy úshin Memlekettik shekara arqyly ótkizý pýnktteri, sondaı-aq readmıssııalanatyn adamdardy súıemeldeý sharttary belgilenedi;
- Kelisimdi iske asyrý barysynda derbes derekterdi berý jáne óńdeý, olardy qorǵaý tártibi aıqyndalady;
- kólik jáne tranzıtteý shyǵystaryn bólý tetigi bekitiledi.
- Kelisimdi iske asyryp, tikeleı ózara is-qımyl jasaıtyn quzyretti organdar retinde Qazaqstan men Frantsııa taraptarynan olardyń Іshki ister mınıstrlikteri belgilenedi. Qujatty ratıfıkatsııalaý zańsyz kóshi-qonǵa qarsy kúreste tıimdilikti arttyrýǵa jáne eki eldiń aýmaǵynda bolǵan azamattardy olarǵa ákimshilik sanktsııalar qoldanbaı qaıtarýdy júzege asyrýǵa múmkindik beredi, - dedi depýtat.
Jalpy otyrys barysynda Qazaqstan readmıssııalaý týraly kelisimderdi jıyrmaǵa jýyq elmen jasaǵany málim boldy. Olardyń qatarynda Ózbekstan, Reseı, Germanııa, Shveıtsarııa, Polsha, Chehııa jáne taǵy basqa memleketter bar.
Aıta keteıik, byltyr jeltoqsan aıynda Parlament Májilisi «Qazaqstan Úkimeti men Frantsýz Úkimeti arasyndaǵy adamdardy readmıssııalaý týraly kelisimdi ratıfıkatsııalaý týraly» Zańyn qabyldanǵanyn jazǵan edik.