Frantsııadaǵy ereýilder 26 kompanııanyń jumysyn toqtatty

ASTANA. KAZINFORM — Frantsııada jappaı ereýil alkogoldik ónimder shyǵaratyn 26 kompanııanyń jumysyn toqtatty, dep habarlaıdy Kazinform BELTA agenttigine silteme jasap.

Frantsııada jappaı ereýil sharap, shampan, konıak jáne basqa da alkogoldik sýsyndardy shyǵaratyn 26 kompanııanyń jumysyn toqtatty. 

LCI telearnasynyń habarlaýynsha, Frantsııanyń soltústik-shyǵysyndaǵy Shampan-Ardenna aımaǵyndaǵy Ruinart jáne Malt & Chandon qyzmetkerleriniń 80%-y ereýilge shyqty. Olar basshylyqtyń jyl saıynǵy syıaqyny alyp tastaý sheshimine narazylyq retinde jumysyn toqtatty. 

— 1967 jyly atalmysh syılyqaqy engizilgennen beri mundaı jaǵdaı birinshi ret bolyp tur. Kásipodaqtar bul tólemdersiz jalaqynyń joǵalýy shamamen 10-15%-dy quraıdy dep esepteıdi. Sondyqtan ol keıbir jumysshylar úshin óte mańyzdy, - dep jazady basylym. 

Málimdemede bonýsty joıý týraly sheshim sektordaǵy nashar kórsetkishterge baılanysty bolýy múmkin ekeni baıandalǵan. 

Telearnanyń málimetinshe, birinshi toqsanda salanyń kórsetkishi 33%-ǵa tómendegen. Al 2024 jyly bul kórsetkish 36%-dy qurady. Bul Qytaıdyń frantsııalyq konıak ımportyna shekteý qoıýymen, sondaı-aq jetekshi eksporttyq naryq AQSh-ta tutynýdyń tómendeýimen baılanysty ekeni aıtylyp otyr. 

Buqaralyq aqparat quraldary mundaı ereýilder sándi taýarlar segmenti úshin sırek kezdesetinin atap ótti.

Buǵan deıin Frantsııada kezekti ulttyq ereýil 2 jeltoqsanǵa josparlanǵanyn jazǵan edik.