Frantsııadaǵy eń iri AES medýzalar kesirinen jumysyn toqtatty

ASTANA. KAZINFORM – Frantsııanyń soltústiginde medýzalardyń kóbeıýine baılanysty Batys Eýropadaǵy eń iri atom elektr stantsııasy jumysyn toqtatty, dep habarlaıdy DW aqparat agenttigi. 

Франциядағы ең ірі АЭС медузалар кесірінен  жұмысын тоқтатты
Фото: la-croix.com

Frantsýz elektr stantsııasynyń operatory Électricité de France (EDF) málimdemesine sáıkes, «Gravlın» AES «sorǵy stantsııalarynyń súzgi barabandaryna medýzalardyń jappaı jáne kútpegen shabýylyna» baılanysty jabyldy.

AES salqyndatý júıesindegi sorǵylardyń bitelýi tórt reaktordyń avtomatty túrde sóndirilýine ákeldi, qalǵan eki energoblokta tehnıkalyq qyzmet kórsetý júrgizilip jatyr. 

Zaqymdalǵan súzgiler AES ıadrolyq bóliginen tys jerde ornalasqan. Sondyqtan oqıǵa «nysandardyń, qyzmetkerlerdiń nemese qorshaǵan ortanyń qaýipsizdigine áser etken joq». Zaqymdalǵan súzgiler AES ıadrolyq bóliginen tys jerde ornalasqan.

«Gravlıná AES Kale qalasyna jaqyn jerde ornalasqan jáne árqaısysynyń qýaty 900 MVt alty reaktordy qamtıdy. 2040 jylǵa qaraı qýattylyǵy 1600 MVt bolatyn taǵy eki reaktor salý josparlanyp otyr. 

Électricité de France ókilderi reaktorlardyń jumysyn 14 tamyzda qaıta bastaıdy dep shamalanyp otyrǵanyn habarlady. Olar sondaı-aq frantsýz elektr júıesinde elektr qýatynyń «tapshylyq qaýpi joq» ekenin qosyp ótti. 

ıAdrolyq reaktorlardy medýzalardyń shabýylyna baılanysty toqtatý – sırek jaǵdaı. Bul Frantsııada sońǵy ret 1990 jyldary bolǵan. Osyǵan uqsas oqıǵalar 2010 jyldary AQSh, Shotlandııa, Shvetsııa jáne Japonııada oryn aldy. Sońǵy onjyldyqtarda muhıttardyń jylynýy jáne teńiz ekojúıelerindegi qorektik tizbekterdi buzatyn shamadan tys balyq aýlaý saldarynan medýzalar sany artyp keledi.

Buǵan deıin Shveıtsarııa aptap ystyq saldarynan atom elektr stantsııasyn ýaqytsha jaýyp tastaǵanyn jazǵan bolatynbyz. 

Сейчас читают