Frantsııadaǵy eń qýatty ıadrolyq reaktor iske qosyldy

ASTANA. KAZINFORM – Frantsııadaǵy «Flamanville 3» reaktory uzaqqa sozylǵan qurylys jumystarynan keıin senbi kúni iske qosyldy.

France 24 arnasynyń habarlaýynsha, Normandııadaǵy «Flamanville 3» reaktory senbi kúni tańǵy saǵat 11:48-de úılerge elektr qýatyn bere bastady.

Bul qýattylyǵy 1600 MVt bolatyn eldegi eń qýatty reaktor. Ol Frantsııadaǵy 2 mln-nan astam úıdi elektr qýatymen qamtamasyz etýi tıis.

Jobanyń quny shamamen 13,2 mlrd eýroǵa (13,76 mlrd dollar) deıin kóterilgen tehnıkalyq aqaýlardyń kesirinen ony iske asyrý merzimi jospardan 12 jylǵa sozylyp ketti. Jobanyń bastapqy baǵasy 3,3 mlrd evrony quraǵan.

- Bul el úshin uly sát. Tómen kómirtekti energııa úshin qaıta ındýstrııalandyrý - bul frantsýz stılindegi ekologııa, - dep X jelisinde jazba qaldyrǵan prezıdent Emmanýel Makron reaktordy «álemdegi eń qýattylardyń biri» dep atady.

Osyǵan deıin Tramp bılikke kele sala AQSh-ty Dúnıejúzilik densaýlyq saqtaý uıymynan shyǵarǵaly otyrǵanyn jazdyq.