Frantsııadaǵy barlyq lıtseıde uıaly telefon qoldanýǵa tyıym salynýy múmkin
ASTANA. KAZINFORM — Frantsııadaǵy barlyq lıtseıde uıaly telefon paıdalanýǵa jańa oqý jylynan bastap tyıym salynýy múmkin. El prezıdenti Emmanıýel Makron osy sharany kózdeıtin zańdy jarııalaýǵa sheshim qabyldady, dep habarlaıdy Euronews.
Úkimettiń resmı ókili Mod Brejon dúısenbide prezıdenttiń zańdy jarııalaý týraly sheshimin rastady. Onyń aıtýynsha, lıtseılerde uıaly telefon qoldanýǵa tyıym salý Konstıtýtsııalyq keńesten maquldanǵan.
Sonymen qatar telefondy oqý maqsatynda paıdalanýǵa, belgili bir ákimshilik qajettilikterdi sheshýge jáne lıtseılerde iske asyrylatyn keıbir baǵdarlamalarda, sonyń ishinde joǵary oqý ornyna túsýge daıyndyq kýrstarynda qoldanýǵa ruqsat beretin erekshelikter qarastyrylady.
Alaıda bul shara 15 jasqa tolmaǵandarǵa áleýmettik jelilerdi paıdalanýǵa tyıym salýdy qamtymaıdy. Atalǵan bastama osy aıdyń basynda Konstıtýtsııalyq keńes tarapynan qabyldanbaǵan.
Premer-mınıstr Sebastıan Lekornıý qujat qaıta qaralatynyn jáne jańa nusqada eldiń joǵary zań organy bildirgen eskertýler eskeriletinin málimdedi.
Aıta ketelik Jańa Zelandııada 16 jasqa tolmaǵandarǵa áleýmettik jelini paıdalanýǵa tyıym salynbaq.
