Frantsııadaǵy aptap ystyq pen qurǵaqshylyq: 50 óńirde dabyl jarııalandy
ASTANA. KAZINFORM – Frantsııada aptap ystyq pen qurǵaqshylyq saqtalyp, orman órtteriniń qaýpi aıtarlyqtaı artty. Eldiń 50 departamentinde qyzǵylt sary qaýip deńgeıi jarııalandy, dep habarlaıdy Anadolu agenttigi.
Meteo-France meteorologııalyq qyzmetiniń málimetinshe, qyzǵylt sary deńgeı negizinen eldiń soltústik-batysyndaǵy departamentterde engizilgen.
Birqatar óńirde kúndiz aýa temperatýrasy 40 gradýsqa deıin kóterilýi múmkin.
Eldiń soltústigindegi Pa-de-Kale departamentinde bıyl jazdaǵy besinshi aptap ystyq tolqyny tirkelip otyr. Munda bir kún buryn bastalǵan orman órti áli tolyq baqylaýǵa alynǵan joq.
Órt 180 gektar aýmaqty sharpydy. Bir turǵyn úı turýǵa jaramsyz bolyp qalǵan.
Il jáne Vılen prefektýrasynyń málimetinshe, Sen-Jıýst aýylynda bir kún buryn bastalǵan orman órti 200 gektar aýmaqty qamtydy. Qaýipti aımaqtan 96 adam evakýatsııalandy. Tilsiz jaýmen 208 órt sóndirýshi kúresip jatyr.
Buǵan deıin aptap ystyq saldarynan Frantsııa aýmaǵynyń 85%-y qurǵaqshylyqqa tap bolǵany habarlanǵan. Sondaı-aq elde iri orman órti bolǵan edi.
Al aptap ystyq pen medýzanyń kóbeıýi saldarynan Frantsııadaǵy AES-ter qýatynyń besten biri isten shyqty.
