Frantsııada jol-kólik oqıǵasynan tórt adam mert boldy
ASTANA. KAZINFORM — Frantsııanyń soltústiginde 16-18 jas aralyǵyndaǵy tórt jas jigit jol apatynan qaıtys boldy, dep habarlaıdy Kazinform agenttiginiń Belgııadaǵy menshikti tilshisi.
Marna departamentiniń prokýratýrasy málimdegendeı, bul qaıǵyly oqıǵa shamamen 18:30–da Merı-sıýr-Marn (Mairy-sur-Marne) kommýnasyna jaqyn № 80 departamenttik jolynda bolǵan.
Avtokólikte tórt jasóspirim bolǵan, olar joldan shyǵyp, aǵashqa soǵylǵan. Jolaýshylardyń barlyǵy sol jerde kóz jumdy. Kólikti basqarǵan júrgizýshiniń jasy 17-de bolǵan, onyń júrgizýshi kýáligi bolǵan.
Marna prefektýrasynyń aldyn ala málimetterine sáıkes, qaza tapqandardyń barlyǵy osy departamenttiń Olne-l’Etr (Aulnay-l’Aître) kommýnasynan shyqqan.
Shalon-an-Shampan prokýratýrasy ólimniń sebebin jáne apattyń mán-jaılaryn tergep jatyr. Jandarmerııa avtokóliktiń joldan shyǵýyna ne sebep bolǵanyn anyqtap jatyr.
— Qazir bul qaıǵyly oqıǵanyń sebepteri anyqtalýda, — dep atap ótti prokýratýra.
Osyǵan deıin Nıgerııada jol-kólik apatynan 30 adam qaza tapqandyǵy týraly jazǵan bolatynbyz.
