Frantsııada jappaı tártipsizdikterden keıin keı qalalarda komendanttyq saǵat engiziledi
ASTANA. KAZINFORM — Frantsııa premer-mınıstri Sebasten Lekornıý dúkenderdi órteý, tonaý jáne polıtsııamen qaqtyǵystarǵa ulasqan jappaı tártipsizdikterden keıin turǵyndardyń júrip-turýyna jergilikti shekteýler engizýdi tapsyrdy. Bul týraly Kazinform Bild basylymyna silteme jasap habarlady.
Búgin Lekornıý prefektilerge jekelegen qalalarda komendanttyq saǵat engizýdi tapsyrǵanyn aıtty. Ol shekteýlerdiń aýqymy shaǵyn bolatynyn atap ótti.
— Elde jappaı tártipsizdik uıymdastyrýdy kózdeıtin ásire solshyl qozǵalys bar. Prezıdent saılaýynyń qashan ótetinine ǵana emes, jalpy ótkizilýine de kúmán týdyrý úshin jumyldyrylýy múmkin tutas bir jeli bar, — dedi Lekornıý.
Premer-mınıstrdiń aıtýynsha, jergilikti komendanttyq saǵat jańa tártipsizdikter men tonaý áreketteriniń aldyn alýǵa baǵyttalǵan. Shekteýler naqty qaı qalalarda jáne qansha ýaqytqa engiziletini ázirshe belgisiz.
Al Frantsııa prezıdenti Emmanıýel Makron 17 qazanda tártipsizdik uıymdastyrǵandarǵa qatysty qatań sharalar qabyldaýǵa ýáde berdi.
Parıj polıtsııasy 17 qazandaǵy narazylyq aktsııalaryna qatysqan 855 adamdy ustady. Frantsııa polıtsııasy ustalǵandar sany rekordtyq kórsetkishke jetkenin málimdedi.
