Frantsııada jappaı narazylyq kezinde 5 myńnan astam adam ustaldy
ASTANA. KAZINFORM — Frantsııa polıtsııasy eldiń túkpir-túkpirin qamtyǵan joǵary synyp oqýshylary men stýdentterdiń narazylyq aktsııalary kezinde 5 myńnan astam adamdy ustady. Bul týraly Frantsııanyń ishki ister mınıstri Loran Nýnes málimdedi, dep habarlaıdy Report.
— Dúısenbiden beri 5 myńnan astam adam ustaldy, — dedi ІІM basshysy.
Mınıstrdiń aıtýynsha, juma kúni quqyq qorǵaý organdary narazylyq aktsııasyna qatysqan 1 747 adamdy ustaǵan. Bul aldyńǵy kúngi kórsetkishten az. Beısenbide ustalǵandar sany 1 954 adam bolǵan.
Onyń málimetinshe, 2 qazanda 735 bilim berý mekemesiniń mańynda narazylyq sharalary ótken. Olardyń 158-de ǵımarattarǵa zııan kelgen.
Joǵary synyp oqýshylarynyń narazylyǵy ótken aptada el astanasy ornalasqan Il-de-Frans óńirinde bastalyp, qazir búkil Frantsııaǵa tarady. Oqýshylar oqý júktemesiniń shamadan tys kóptigine, muǵalimderdiń jetispeýshiligine jáne bilim berý salasyndaǵy basqa da júıeli máselelerge narazylyq bildirip jatyr.
Birqatar óńirde beıbit aktsııalar jappaı tártipsizdikke jáne quqyq qorǵaý organdarymen qaqtyǵysqa ulasqan. Narazylyqtarǵa baılanysty Ulttyq bilim mınıstri Edýar Jeffre birqatar oqý ornyn qashyqtan oqytý formatyna kóshirý týraly sheshim qabyldady.
Buǵan deıin jappaı narazylyqqa baılanysty 400-den astam lıtseı jabylatyny týraly habarlanǵan bolatyn.
