Frantsııada Jańa jyl túni 1000-nan astam kólik órtendi

ASTANA. KAZINFORM — Frantsııanyń ishki ister mınıstrligi jarııalaǵan statıstıkaǵa sáıkes, elde Jańa jyl túni órtengen kólikter sany 1000-nan asty, dep habarlaıdy TASS.

— Ótken jylmen salystyrǵanda bıyl órtten (qasaqana órteý, órttiń taralýynan) zaqymdanǵan avtokólikter sany artqan. Osy jyly 1173 kólik órtendi, al byltyrǵy kórsetkish 984 boldy, — delingen aqparatta. 

Jańa jyl túni polıtsııa qyzmetkerlerine buzaqylar birneshe ret shabýyl jasady. Oqıǵalardyń kóbi eldiń soltústigi men shyǵysynda boldy, eń aýyr qaqtyǵystar Strasbýrgte tirkeldi. Osyǵan qaramastan, Іshki ister mınıstrligi bul oqıǵalar ótken jylmen salystyrǵanda «aýyr emes» dep esepteıdi.

Jańa jyl túni polıtseıler men jandarmdar barlyǵy 505 adamdy ustady, onyń 403-i qamaýǵa alyndy. Parıjde 125 adam ustaldy, olardyń 75-i negizinen zorlyq-zombylyq pen vandalızm úshin qamaldy. Parıj prefektýrasynda bir túnde birde-bir kólik órtenbegen. Qaladaǵy ınfraqurylymdardy órteý oqıǵasy tirkelgen joq.

Sonymen qatar, Іshki ister mınıstrligi ótken jyldyń 31 jeltoqsanynda saǵat 17:00–de zańsyz alynǵan 96 myń dana pırotehnıkalyq zattar tárkilengenin habarlady. Bılik otshashýdan 22 adam jaraqat alǵanyn, olardyń eń jasy 12 jáne 13 jasta ekenin habarlady.

Frantsııanyń Іshki ister mınıstrligi jańa jyl qarsańynda 90 myń polıtsııa men jandarmdy qaýipsizdikti qamtamasyz etýge tartty. Onyń 10 myńǵa jýyǵy Parıj kóshelerinde jáne oǵan jaqyn mańda kezekshilikte boldy. Vedomstvo basshysy Loran Nýnes prefektilerge vandalızm men zorlyq-zombylyq jaǵdaıynda «qatal áreket etý» týraly tapsyrma bergenin aıtty.

Aıta keteıik, Frantsııanyń ulttyq poshta operatory La Poste aýqymdy kıbershabýylǵa tap boldy.