Frantsııada ulttyq fýtbol quramasynyń jeńilisi jappaı tártipsizdikke ulasty
ASTANA.KAZINFORM - Frantsııa quramasynyń álem chempıonatynyń jartylaı fınalyndaǵy jeńilisi eldiń birneshe qalasynda jappaı tártipsizdik týdyrdy.
Yzaly jankúıerler polıtsııamen qaqtyǵysyp, kólikter men kóshe múlikterin qıratty. Sársenbi kúni tańerteń Parıj polıtsııa prefektýrasy jarııalaǵan aldyn ala esepke sáıkes, álem chempıonatynyń jartylaı fınalyna baılanysty is-sharalar kezinde qalada 141 adam tutqyndaldy.
BREAKING:
— Visegrád 24 (@visegrad24) July 14, 2026
Riots start in France after the 2-0 loss against Spain. pic.twitter.com/BwW2yMGMtA
- Bul tutqyndaý negizinen quqyq qorǵaý organdary qyzmetkerleri men tótenshe jaǵdaı qyzmetine baǵyttalǵan pırotehnıkalyq mınometterdi qoldanýǵa baılanysty. Baqytymyzǵa oraı, bul áreketterdiń saldarynan eshkim aýyr jaraqat alǵan joq, - delingen polıtsııa departamentiniń málimdemesinde.
Bir kún buryn Parıjde 98 adam tutqyndaldy. Eń shıelenisti jaǵdaı Lıonda boldy. Matchtan keıin bir top adam polıtsııa qyzmetkerlerine baǵyttap pırotehnıka men basqa da zattar laqtyrdy. Qaladaǵy qaqtyǵystar kezinde jıyrma adam ustaldy.
Esterińizge sala keteıik, buǵan deıin Frantsııanyń álem chempıonatynyń jartylaı fınalyna shyqqany habarlanǵan bolatyn.
