Frantsııada Ulttyq assambleıaǵa saılaýdyń ekinshi kezeńi bastaldy
ASTANA. KAZINFORM – Qazirgi tańda álem halqynyń erekshe nazaryn aýdaryp otyrǵan oqıǵa Frantsııa parlamentiniń tómengi palatasynyń (Ulttyq assambleıa) kezekten tys saılaýy bolyp otyr, dep habarlaıdy Kazinform tilshisi.
Ekonomıka men turǵyndarynyń sany jóninen Eýropalyq odaqtaǵy iri memleketterdiń biri sanalatyn, sondaı-aq ıadrolyq qarýy bar el basshylyǵyna «Ulttyq birlestik» ońshyl toby basshylyq etetin oppozıtsııalyq úkimet kelýi múmkin.
Sondaı-aq solshyl «Jańa halyq maıdany» men «Bárimiz birge respýblıka úshin» prezıdenttik partııasy da jeńisten úmitti.
Frantsııalyq saılaýshylar 557 okrýgtiń 501 saılaý ýchaskesine shaqyrylyp, onda depýtattar birinshi kezeń boıynsha saılandy.
Bılik saılaýdan soń qaqtyǵystar bolýy yqtımal degen boljam jasap otyr. Osyǵan baılanysty qaýipsizdikti qamtamasyz etýge 30 myń polıtsııa qyzmetkeri jumyldyrylady.
