Frantsııada úkimet múshelerine Telegram men WhatsApp paıdalanýǵa tyıym salyndy

Frantsııa premer-mınıstri keńsesinen jiberilgen nusqaýlyqta úkimet sheneýnikterinen telefondaryndaǵy Telegram, WhatsApp jáne Signal habar almasý qoldanbalaryn óshirý suralǵan. Bul týraly Anadoly agenttigi Le Figaro basylymyna silteme jasap jazdy, dep habarlaıdy Kazinform.

Qupııa aqparattar aıtylatyn keńesterdiń «qaýipsizdigin kúsheıtýge» baǵyttalǵan nusqaýlyqta úkimet músheleri Olvid otandyq habar almasý qosymshasyn 8 jeltoqsannan keshiktirmeı ornatýy kerektigi aıtylǵan.

Qujatta Olvid qosymshasynyń aqparattyq qaýipsizdik jónindegi ulttyq agenttik (ANSSI) beretin «birinshi deńgeıli qaýipsizdik sertıfıkatyn alǵan jalǵyz qosymsha» ekeni aıtylǵan.

Olvid kompanııasyn 2019 jyly frantsýz kıberqaýipsizdik sarapshylary jasap shyǵarǵan.