Frantsııada túrmelerge shabýyl jasaǵan 25 adam ustaldy

ASTANA. KAZINFORM – Sońǵy eki apta ishinde Frantsııada túrmeler men túrme qyzmetkerlerine jasalǵan shabýyldarǵa baılanysty 25 adam ustaldy.

Bul adamdar Frantsııadaǵy túrmelerge jáne olardyń qyzmetkerlerine sáýir aıynyń ortasynan beri jasalǵan shabýyldarǵa baılanysty Ulttyq terrorızmge qarsy prokýratýranyń tergeýi aıasynda ustalǵan, dep jazady Anadoly jergilikti BAQ kózderine silteme jasap.

Frantsııanyń ádilet mınıstri Jerald Darmanen áleýmettik jelidegi X paraqshasynda quqyq qorǵaý jáne sot organdaryna kúdiktilerdi ustaǵandary úshin alǵys bildirdi.

14-16 sáýirde jáne 21 sáýirde Týlon, Marsel jáne Lıýın qalalaryndaǵy túrmelerge shabýyl jasalyp, soǵan qatysty tergeý bastalǵan edi.

Mınıstr túrmelerge shabýyldardy “terrorızm aktileri” dep atady.

Aıta keteıik, buǵan deıin Frantsııa meshitindegi kisi ólimine kúdikti Italııa polıtsııasyna ózi berilgenin jazdyq.