Frantsııada túrme ákimshiligi qatelisip qaýipti qylmyskerdi bosatyp jibergen

ASTANA. KAZINFORM — Frantsııada túrme ákimshiligi ózderi qatelesip bosatyp jibergen qylmyskerdi bir aptaǵa jýyq ýaqyt boıy izdep jatyr. Bul týraly Bordo qalalyq prokýratýrasynyń (Frantsııanyń ońtústik-batysyndaǵy port qalasy — red.) aqparatyna silteme jasap Figaro gazeti habarlady, dep jazady Report. 

Qolda bar aqparatqa sáıkes, asa qaýipti zorlyq-zombylyq qylmysy úshin 11 jyldyq jazasyn ótep jatqan 25 jastaǵy er adam Frantsııadan Marokkoǵa deportatsııalanýy tıis basqa tutqynnyń ornyna Gradınan kommýnasynyń túrmesinen bosatylǵan. Túrme ákimshiligi tutqyndardyń uqsas esimderin shatastyrdy.

Qazir quzyrly organdar oqıǵanyń mán-jaıyn anyqtap jatyr. Qylmyskerge izdeýge jarııalandy, ony qamaýǵa alý týraly eýropalyq order berildi, bul EO-nyń barlyq elderinde jaramdy.

Eske sala keteıik, Frantsııada túrmelerge shabýyl jasaǵan 25 adam ustalǵany jaıly jazǵan edik.