Frantsııada týrıstik ushaq apatqa ushyrap, 11 adam qaza tapty
ASTANA.KAZINFORM - Nansı mańynda jeńil ushaq apatqa ushyrady. Bortta ushqysh, bes parashıýtpen sekirý nusqaýshysy jáne alǵashqy tandem sekirýin jasaýy tıis bes adam bolǵan, dep habarlaıdy Euronews.
Jeksenbi kúni tústen keıin Nensı mańyndaǵy Tomblen qalasynyń ústinen shaǵyn týrıstik ushaq apatqa ushyrady.
Sońǵy habarǵa sáıkes, bortta 11 adam bolǵan: ushqysh, bes parashıýtpen sekirý nusqaýshysy jáne alǵashqy tandem sekirýin jasaýy tıis bes adam. L'Est Républicain gazetiniń habarlaýynsha, zardap shekkenderdiń beseýi medıtsına qyzmetkeri bolǵan.
Ushaq apatynyń sebebi áli belgisiz. Oqıǵa ornyna qutqarýshylar, medıtsınalyq top jáne kóptegen órt sóndirý brıgadalary jumyldyryldy. Mert jáne Mozel departamentiniń prefektisi Iv Segıý jaǵdaıdy naqty ýaqyt rejıminde baqylaý úshin barlyq tıisti qyzmetterdi jınady.
Buǵan deıin Saýd Arabııasynda tikushaq apatynan on tórt adam qaza tapqanyn jazǵan edik.
