Frantsııada tornadodan 26 adam zardap shegip, júzdegen úı qırady
ASTANA. KAZINFORM – Frantsııanyń Od departamentinde bolǵan tornadodan keminde 26 adam zardap shekti. Tabıǵı apat júzdegen úıge zaqym keltirdi, dep habarlaıdy Euronews.
Od prefektýrasynyń málimetinshe, tornado dúısenbi kúni shamamen saǵat 17:20-da Karkasson men Lımý arasyndaǵy myńǵa jýyq turǵyny bar Pomas kommýnasyn jáne oǵan jaqyn birneshe eldi mekendi sharpyǵan.
Áleýmettik jelilerde jarııalanǵan vıdeolardan naızaǵaıly aspan astynda birneshe eldi mekendi qýatty quıyn basyp ótkenin kórýge bolady.
🌪️ Vidéo exceptionnelle de la #tornade qui a touché les environs de Carcassonne !
— vigiprevention_meteo (@VigipreventionM) August 24, 2026
Des grêlons de plusieurs centimètres, jusqu’à 3 à 5 cm, ont également touché les secteurs proches. Mais c’est surtout la tornade qui a causé d’importants dégâts, avec notamment des habitations… pic.twitter.com/KVTBgWanFG
🌪️ Autres images très impressionnantes de la tornade qui a circulé au sud de Carcassonne dans l'Aude, depuis la commune de Verzeille. Des dégâts sont signalés. (© Denis Maréchal) pic.twitter.com/RYiuPm0Xt5
— Météo Express (@MeteoExpress) August 24, 2026
Prefektýra 26 adamnyń ortasha dárejede jaraqat alǵanyn habarlady. Olardyń barlyǵyna medıtsınalyq kómek kórsetilip, beseýi aýrýhanaǵa jetkizildi.
Zardap shekkenderdiń arasynda úıi opyrylyp túsken júkti áıel de bar. Qulaǵan úıindilerden ony dıvan qorǵap qalǵan.
Tornado aıtarlyqtaı materıaldyq shyǵyn keltirdi. Pomasta júzge jýyq úı búlinip, kópshiliginiń shatyry ushyp ketken. Keıbir ǵımarattar tolyǵymen qıraǵan.
Apat saldaryn joıýǵa 115-ten astam órt sóndirýshi, onyń ishinde qalalyq ortada qutqarý jumystaryna mamandanǵan 14 qyzmetker men kınologtar jumyldyryldy. Qutqarý jumystaryna Qyzyl Krest uıymy da qosylady.
Úılerine qaıta almaıtyn turǵyndar úshin Pomas pen Lımýda eki ýaqytsha ornalastyrý orny ashyldy. Jandarmerııa búlingen úılerdi kúzetý úshin zardap shekken aýdandarda patrýl uıymdastyrdy.
Dúleı daýyl jol qozǵalysyna da kedergi keltirdi. Qulaǵan aǵashtar men qutqarý jumystaryna baılanysty birneshe jol jabyldy.
Saǵat 19:30-daǵy jaǵdaı boıynsha Od departamentindegi on shaqty kommýnada 2800-ge jýyq úı elektr jaryǵynsyz qalǵan.
Tornado Frantsııanyń ońtústik-batysyndaǵy birqatar aýmaqta aýa raıyna baılanysty «qyzǵylt sary» qaýip deńgeıi jarııalanǵan kezde soqqan. Météo-France málimetinshe, jel ekpini saǵatyna 117 shaqyrymǵa deıin jetti. Saǵat 19:00-de «qyzǵylt sary» eskertý alynyp tastaldy.
Eske sala ketsek, buǵan deıin AQSh-ta 50 mln-nan astam adamǵa tornado men kúshti daýyl qaýpi tónip turǵanyn jazdyq.
