Frantsııada sońǵy 76 jyldaǵy eń iri orman órti tirkeldi

ASTANA. KAZINFORM — Frantsııanyń ońtústigindegi Ýaza departamentinde bir kún ishinde 16 000 gektar ormandy sharpyǵan órt — eldegi sońǵy 76 jyldaǵy eń iri orman órtine aınaldy, dep jazdy Report. 

Report agenttiginiń habarlaýynsha, bul týraly óńirge Premer-mınıstr Fransýa Baırýmen birge kelgen Frantsııanyń ishki ister mınıstri Brıýno Retaıo málimdedi.

— Bul órt 1949 jyldan beri eń kóp orman aýmaǵyn joıdy, — dedi mınıstr.

1949 jyly Frantsııanyń ońtústik-batysyndaǵy Land-de-Gaskon taý massıvinde bolǵan orman órti 50 000 gektar ormandy joıyp, 82 adamnyń ómirin jalmaǵan bolatyn.

Brıýno Retaıonyń aıtýynsha, qazirgi órtti sóndirýge 2150 órt sóndirýshi, 600 tehnıka, sondaı-aq Canadair jáne Dash ushaqtary jumyldyrylǵan.

Óz kezeginde, Premer-mınıstr Fransýa Baırý bul jaǵdaıdy «kórilmegen aýqymdaǵy apat» dep atap, eger Frantsııa bıligi óz kúshterimen órtti aýyzdyqtaı almaıtynyn túsinse, EO-ǵa múshe basqa elderden kómek suraýy múmkin ekenin aıtty.

Buǵan deıin habarlanǵandaı, Frantsııa Gaza sektorynan bosqyndardy qabyldaý baǵdarlamasyn ýaqytsha toqtatty.