Frantsııada Shamonda vırýsyn juqtyrǵan adam kóz jumdy
ASTANA. KAZINFORM — Frantsııada buǵan deıin tek janýarlardan anyqtalǵan Shamonda vırýsyn juqtyrǵan adamnyń ólimi tirkeldi, dep habarlaıdy BILD.
Bul – álemde alǵash ret bolǵan jaǵdaı. Aýyr ımmýn tapshylyǵy bar naýqas qazan aıynyń basynan beri Lıon qalasyndaǵy aýrýhanada emdelip, 22 qazanda qaıtys bolǵan.
Qaıtys bolar aldynda naýqasta aýyr nevrologııalyq asqynýlar paıda bolǵan. Frantsııa Aýyl sharýashylyǵy mınıstrliginiń aldyn ala málimetinshe, olardyń ınfektsııamen baılanysty bolýy ábden yqtımal. Eýropalyq aýrýlardyń aldyn alý jáne baqylaý ortalyǵy vırýstyń ólimge tikeleı sebep bolǵan-bolmaǵanyn anyqtap jatyr.
Boljam boıynsha, er adam Frantsııanyń shyǵysyndaǵy óńirlerdiń birinde usaq qan sorǵysh jándik – shirkeı shaqqannan keıin juqtyrǵan. Bul óńirde kóktem men jaz aılarynda janýarlardyń vırýs juqtyrý jaǵdaılary tirkelgen.
Shamonda vırýsy alǵash ret 1965 jyly Nıgerııada anyqtalǵan. Ol negizinen sıyr men eshki sııaqty aýyl sharýashylyǵy janýarlaryn zaqymdaıdy. 2026 jyldyń jazynda vırýs alǵash ret Germanııadaǵy iri qara maldan, keıin jylqylardan anyqtaldy. Janýarlardyń vırýs juqtyrý jaǵdaılary Eýropanyń basqa da birqatar elinde tirkelgen.
Aıta ketelik Kongoda bastalǵan Ebola indeti taǵy tórt elge tarady.
