Frantsııada iri mıtıngter ótti

ASTANA. KAZIFORM - Frantsııa polıtsııasynyń habarlaýynsha, halyqaralyq eńbekshiler merekesine baılanysty mıtıngige 175 myńǵa jýyq, Parıjde 32 myń adam qatysty, dep habarlaıdy Kazinform agenttiginiń menshikti tilshisi.

1 mamyr Frantsııanyń memlekettik merekeleriniń biri. Bul kún «Eńbek kúni» dep atalady. Bul kúni dástúrli túrde eldegi kásipodaq ókilderiniń qatysýymen buqaralyq demonstratsııalar ótedi.

Bıyl iri manıfestatsııalar Parıjde, Nantta jáne Frantsııanyń ózge de qalalarynda ótti. Qaqtyǵystar da boldy.

Osy oqıǵaǵa baılanysty taraǵan habarǵa qaraǵanda, sotsıalıst belsendilerge shabýyl jasalǵan. Olardyń tórteýi jeńil jaraqat alǵan.

Frantsııa ishki ister mınıstri Parıjde Sotsıalıstik partııa keńsesi demonstaranttardyń agressıvti shabýylyna ushyraǵanyn habarlady.

- Oqıǵa ornynyń qaýipsizdigin qamtamasyz etip, buzaqylardy tutqyndaý úshin polıtsııa aralasty. Men shabýyl jasalǵan belsendilerdi tolyq qoldaıtynymdy aıtqym keledi. Biz elimizde radıkal solshyldar uıymdastyrǵysy keletin saıası kúsh kórsetýge jol bermeımiz, - dedi ol.

Frantsııa oppozıtsııasy da mıtıng ótkizdi. «Ulttyq birlestik» lıderi Marın Le Pen Narbonna qalasynda 8 myń jaqtaýshylarynyń aldynda sóz sóıledi. Ońshyl radıkal saıasatker retinde ol E.Makron saıasatyn synady.

- Júıe meniń prezıdent saılaýyna túsýime kedergi keltirgenimen el boıynsha myńdaǵan frantsýzdyń áreket etip, qatysyp, ózine jaýapkershilik alýyna kedergi keltire almaıdy,- dedi.

Sáýir aıynyń basynda Frantsııa soty «Ulttyq birlestik» eń shetki partııasynyń lıderi Marın Le Pendi Eýropalyq Odaq qarjysyna zııan keltirdi dep aıyptady. Bul oppozıtsııa saıasatkeriniń jýyrdaǵy prezıdent saılaýyna túsýine kedergi bolýy múmkin.

Osyǵan deıin Frantsııada túrmelerge shabýyl jasaǵan 25 adam ustalǵany týraly jazdyq.