Frantsııada poıyz relsten shyǵyp, apatqa ushyrady
ASTANA. KAZINFORM — Frantsııanyń soltústiginde qalaaralyq poıyz relsten shyǵyp ketip, saldarynan 44 adam zardap shekti, dep habarlaıdy BelTA.
Zardap shekkenderdiń biri — 18 jastaǵy qyz aýyr halde jatyr. Qalǵan 43 adamnyń jaraqaty jeńildeý. Qazir oqıǵa ornynda qutqarýshylar jumys istep, poıyzdaǵy qalǵan 140 jolaýshyny evakýatsııalady.
Poıyz mashınısi qan quramynda alkogol nemese esirtki zattarynyń bar-joǵyn anyqtaý úshin medıtsınalyq tekserýden ótken. Saraptama nátıjesi teris bolǵan.
Buǵan deıin Frantsııanyń kólik mınıstri Fılıpp Tabaro 20 adamnyń zardap shekkenin habarlaǵan edi.
Aldyn ala málimet boıynsha Rýan men Kan qalalary arasynda qatynaıtyn poıyz Kleon kommýnasy mańynda belgisiz bir nysanmen soqtyǵysqan. Sonyń saldarynan vagondardyń biri aýdarylyp, taǵy tórteýi relsten shyǵyp ketken.
Temirjoldyń osy ýchaskesindegi qozǵalys ýaqytsha toqtatyldy.
Aıta keteıik, Frantsııanyń ońtústiginde 225 gektar orman órtke orandy.
