Frantsııada ótken jyly aptap ystyqtan 3 711 adam kóz jumǵan
ASTANA. KAZINFORM – Ótken jyldyń jazy Frantsııadaǵy eń ystyq segizinshi jaz retinde tirkeldi. 2024 jyly Frantsııada aptap ystyqtan 3 711 adam qaıtys boldy, dep jazady Anadoly.
Frantsııanyń densaýlyq saqtaý uıymy jarııalaǵan málimetterge sáıkes, ótken jyly qatty ystyqtan qaıtys bolǵandardyń tórtten úshi - 75 jastan asqan adamdar.
17 000-nan astam adam ystyqqa baılanysty pıreksııa, sýsyzdaný jáne gıponatrıemııa sııaqty shaǵymdary boıynsha shuǵyl kómek alǵan, 10 000-nan astam adam aýrýhanaǵa jatqyzylǵan.
2024 jyldyń jazy Frantsııadaǵy eń ystyq segizinshi jaz retinde tirkeldi.
Aıta keteıik, Dúnıejúzilik densaýlyq saqtaý uıymy Eýropada aptap ystyqtan jylyna 175 myńnan astam adam kóz jumatynyn habarlady.
Tokıoda ótken jyly shilde aıyndaǵy aptap ystyqtan 120 adam qaza tapqan.