Frantsııada myńdaǵan adam bıýdjetti únemdeý sharalaryna qarsy shyqty
ASTANA. KAZINFORM — Beısenbi kúni Frantsııada jumysshylardyń taǵy bir ereýili ótti, dep habarlaıdy Kazinform menshikti tilshisi.
Kásipodaqtar, stýdentter men memlekettik sektor qyzmetkerleri úkimet usynǵan 2026 jylǵa arnalǵan bıýdjetke narazylyq bildirdi.
«02 qazan» dep atalǵan narazylyq sharalary kólik qozǵalysyn, mektepter, aýrýhanalar jáne tipti energetıkalyq ınfraqurylym jumysyn ishinara toqtatyp, 2023 jylǵy zeınetaqy reformasyna qarsy narazylyqtardan keıingi eń úlken qoǵamdyq qozǵalystardyń birine aınaldy.
Іshki ister mınıstrliginiń málimetinshe, túske deıin sherýge 85 myń adam shyǵyp, 240-qa jýyq mıtıngi ótkizý josparlanǵan. Frantsııanyń jalpy eńbek konfederatsııasy óz kezeginde narazylyq bildirýshiler sany 600 myńǵa jetkenin málimdedi.
#FRANCE: MASSIVE PROTEST SWEEPS FRANCE OVER BUDGET CUTS
— MwanzoTV (@MwanzoTv) October 2, 2025
Tens of thousands of protesters marched through French cities on Thursday, heeding the rallying cry of trade unions demanding action against plans for sharp spending cuts in next year's budget.
MORE:… pic.twitter.com/69F61YkWyf
Narazylyq aktsııalary úkimettiń qatań únemdeý josparyna baılanysty týyndady. Kásipodaqtardyń aıtýynsha, bul jospar qarapaıym azamattarǵa salmaq túsiredi.
Bıýdjet jobasynda memlekettik qyzmetterdi, áleýmettik qamsyzdandyrýdy jáne zeınetaqyny qysqartý, sondaı-aq qyzmetkerlerge beriletin birqatar járdemaqyny alyp tastaý qarastyrylǵan.
Jaqynda saıası daǵdarystan keıin qyzmetine kirisken premer-mınıstr Sebastıan Lekornıý bul sharalar tapshylyqty azaıtý jáne ınvestorlardyń senimin qaıtarý úshin qajet ekenin aıtty.
Narazylyq sharalaryna eldiń eń iri kásipodaqtary: CGT, CFDT, FO, CFE-CGC, CFTC, Solidaires, FSU jáne UNSA qatysyp otyr. Qozǵalystyń ózegin bıýdjettik sala qyzmetkerleri: muǵalimder, medbıkeler, metro mashınısteri jáne temirjolshylar quraıdy. Olarǵa ýnıversıtetter men mektepterdi qorshap turǵan stýdentter men energetıka qyzmetkerleri qosyldy.
Ereýil bolǵan kúni Frantsııanyń Eıfel munarasy sııaqty sımvoly da jabylyp, narazylyq sharalarynyń aýqymyn aıqyn tanytty.
Osy arada jańa premer-mınıstr Sebastıan Lekornıý úkimetke qarjylyq nemese áleýmettik qamsyzdandyrý máseleleri boıynsha kez kelgen zań jobasyn parlamenttiń daýysynsyz birjaqty túrde qabyldaýǵa múmkindik beretin «Konstıtýtsııanyń 49-babynyń 3-tarmaǵynyń kúshin joıýǵa» ýáde berdi.
Frantsııanyń ásire ońshyl oppozıtsııasynyń jetekshisi Marın Le Pen Lekornıýdiń bul qadamyn quptady.
Eske sala ketsek, qyrkúıek aıynda Frantsııanyń kóptegen qalasynda jergilikti kásipodaqtar Frantsııa úkimetiniń ekonomıkalyq saıasatyna narazylyq retinde iri ereýil ótkizdi.