Frantsııada lańkestik shabýylǵa daıyndalǵan 6 adam ustaldy
ASTANA. KAZINFORM — Frantsııa polıtsııasy Parıj mańyndaǵy Sarsel kommýnasynda teraktige daıyndalǵan 6 kúdiktini qolǵa túsirdi. Bul týraly eldiń Ulttyq terrorızmge qarsy prokýratýrasy (PNAT) jarııalady, dep habarlaıdy Report.
Vedomstvonyń málimetinshe, ustalǵandardyń barlyǵyna qylmystyq top quramynda qaraqshylyq jasaǵany, sondaı-aq qarýdy zańsyz tasymaldaǵany jáne ótkizgeni úshin aıyp taǵyldy. Sot otyrysynan keıin olar qamaýǵa alyndy.
Eske salaıyq, 12 shildede Frantsııa bıligi Sarsel aýdanynan shamamen 300 adamdy evakýatsııalaǵan bolatyn. Buǵan frantsýz ishki barlaý qyzmetinen kúdikti kólik týraly aqparattyń túsýi sebep bolǵan. Saperler kóliktiń ishinen oqtalǵan myltyq pen tapansha tapty.
Kólik sınagoga mańynda turǵandyqtan, tergeý boljamdy shabýyldyń nysanasy jergilikti evreı qaýymdastyǵynyń bolýy múmkin degen nusqany da qarastyryp jatyr.
Aıta keteıik, Pákistannyń ońtústigindegi Karachı portyndaǵy Reındjers mekemesine jasalǵan lańkestik áreketten úsh qaýipsizdik qyzmetkeri qaza tapty.
