Frantsııada krıptovalıýtalyq bıznesmenderdi urlaý isi boıynsha kúdiktiler qamaýǵa alyndy
ASTANA. KAZINFORM – Frantsýz polıtsııasy krıptovalıýta kásipkerleri men olardyń otbasy múshelerin urlaýǵa qatysty is boıynsha 20-dan astam adamdy qamaýǵa aldy, dep habarlaıdy BBC.
Bıliktiń málimetinshe, qamaýǵa alý jaqynda Nantta bolǵan oqıǵany, sondaı-aq mamyr aıynda Parıjde oryn alǵan áıel men balany urlaý áreketin tergeýmen baılanysty. Bul oqıǵalar qylmyskerlerdiń nysanasyna aınalýy múmkin mańyzdy krıptovalıýta aktıvteri bar adamdardyń qaýipsizdigine qatysty alańdaýshylyq týdyrdy.
Osy aıdyń basynda Frantsııanyń ishki ister mınıstri Brıýno Retaıo krıptovalıýtalyq kásipkerler men olardyń otbasylaryna qarsy qaýipsizdik sharalaryn kúsheıtýge ýáde berdi.
Frantsýz aqparat quraldarynyń habarlaýynsha, barlyǵy 24 adam ustalǵan.
Eske sala ketsek, Parıjde krıptovalıýtalyq mıllıonerdiń qyzy qaraqshylarǵa tap bolǵan.