Frantsııada kıbershabýyl saldarynan 22 mıllıon adamnyń jeke deregi taraǵan
ASTANA. KAZINFORM — Frantsııanyń La Poste poshta qyzmetine tıesili Maileva platformasyna jasalǵan kıbershabýyl saldarynan 22 mıllıonǵa jýyq adamnyń jeke deregi hakerlerdiń qolyna tústi, dep habarlaıdy Report.
Kıbershabýyl qyrkúıek aıynyń ortasynda bolǵan. Hakerler Maileva platformasy arqyly hat-habar jiberilgen adamdardyń aty-jóni men poshta mekenjaılaryna qol jetkizgen.
Bul servısti shamamen 70 myń klıent paıdalanady. 2024 jyly platforma arqyly 180 mıllıon qujat jiberilgen.
La Poste kompanııasy kıbershabýyl týraly Frantsııanyń Aqparattyq tehnologııalar jáne azamattyq bostandyqtar jónindegi ulttyq komıssııasyna (CNIL) habarlaǵanyn málimdedi. Sondaı-aq prokýratýraǵa aryz túsirgen.
Budan bólek, poshta qyzmeti derekterdiń taralýynan zardap shekken barlyq kompanııany bolǵan jaǵdaıdan habardar etken.
