Frantsııada kezekti ulttyq ereýil 2 jeltoqsanǵa josparlanǵan

ASTANA. KAZINFORM — Frantsııanyń CGT, FSU jáne Solidaires kásipodaǵy erteń, 2 jeltoqsan kúni bıýdjetke qarsylyq tanytý úshin ereýil ótkizýdi josparlap otyr, dep habarlaıdy Kazinform agenttiginiń menshikti tilshisi.

Le Parisien gazeti bul kásipodaqtar kelesi jyldyń bıýdjetin «áleýmettik ádiletsiz» dep sanaıtynyn jazady. Olar áleýmettik jáne qarjylyq ádilettilikti surap, jumys oryndaryn qysqartpaýdy jáne jalaqyny kóterýdi talap etip otyr.

Sondyqtan ereýil ekonomıkanyń birneshe salasyna áser etedi. Ereýilge barlyq memlekettik jáne jeke sektor qyzmetkerleri, sondaı-aq zeınetkerler men jastar shaqyryldy.

Demonstratsııa birneshe qalada josparlanǵan: Bordo, Lans, La-Roshel, Dıjon, Shatobrıan, Dýe, Rýan jáne Gavr. Naqty orny men ýaqytyn kásipodaq uıymdary ózderi habarlaıdy.

Ereýil Parıjdiń qoǵamdyq kólikterdiń júrisine áser etýi múmkin. Keıbir metro, ​​avtobýs jáne tramvaı jelileri qysqartylǵan keste boıynsha jumys isteı alady. SNCF (Frantsııanyń ulttyq temirjol kompanııasy) CGT Cheminots kásipodaǵy poıyzdardyń keshigýi men ýaqytsha toqtatylýy týraly aldyn ala habarlaıdy.

Bul ulttyq ereýilge mektep muǵalimderi de qatysady dep josparlanǵan. Kásipodaq uıymdary orta bilim berýdegi 4 myńnan astam jumys orny men bastaýysh bilim berý júıesindegi qyzmetkerlerdiń aıtarlyqtaı qysqarýyn aıyptaıdy.

Aıta keteıik, ótken aptada Belgııada el tarıhyndaǵy eń aýqymdy ulttyq ereýil boldy. Úkimet saıasatyna qarsylyq retinde túrli sala ókilderi jumysqa shyqpaı, jappaı narazylyq bildirdi.