Frantsııada fermerler ereýili bastaldy
ASTANA.KAZINFORM — Frantsýz fermerleri bıliktiń aýyl sharýashylyǵy salasyndaǵy saıasatyna, sondaı-aq Eýroodaq pen Latyn Amerıkasy elderi arasyndaǵy «MERKOSÝR» saýda kelisimine narazylyq retinde taǵy da ereýilge shyǵýdy josparlap otyr, dep habarlaıdy Kazinform agenttiginiń menshikti tilshisi.
Ótken demalys kúnderinen beri Ýaza departamentiniń sharýalary birneshe joldy jaýyp tastaýǵa árekettendi.
Esson departamenti Sakle, ıÝlıs, Etap, Morını-Shampını jáne Overno fermerleri de jergilikti narazylyq aktsııalaryna qatysatynyn jarııalady.
Esson prefektýrasy jeksenbi kúni Parıj baǵytyndaǵy RN118 tas jolynda saǵat 17.00-den bastap kólik qozǵalysy toqtatylǵanyn habarlaıdy.
Ereýildi uıymdastyrýshylardyń biri — Frantsııaǵa sheteldik ónimderdi ımporttaýǵa qarsy FNSEA kásipodaǵy. Jeksenbide FNSEA prezıdenti Arno Rýsso jergilikti BAQ-qa Frantsııa boıynsha 80 departamentte 82 narazylyq aktsııasy josparlanǵanyn aıtty.
«Ereýil jeltoqsannyń ortasyna deıin jalǵasady, biraq jańa jylǵa deıin sozylmaıdy. Frantsýz dastarhanynda bizdiń ónimderimiz bolady. Biz frantsýzdardy aýyl sharýashylyǵy salasynda bolyp jatqan tótenshe jaǵdaıǵa kýá bolýǵa shaqyrýymyz kerek», — dedi kásipodaq ókili.
Juma kúni úkimet fermerlerge beriletin nesıe sharttaryn atap ótti.
«Men qolymnan kelgenniń bárin jasaımyn jáne jyl basynda narazylyq bildirgen fermerlerge berilgen barlyq ýádeler oryndalady», — dep sendirdi premer-mınıstr Mıshel Barne. Ol sondaı-aq MERKOSÝR memleketterimen EO saýda kelisimimen kelispeıtinin aıtty.
Óz kezeginde Frantsııanyń ishki ister mınıstri Brýno Reteılo aýylsharýashylyq kásipodaqtarynyń basshylaryn qabyldaǵanyn, olarǵa «úsh shekteýdi» eskertkenin aıtty: múlikke jáne adamdarǵa shabýyl jasamaý, bóget jasamaý. Ondaı jaǵdaıda polıtsııa kólik qozǵalysyn qalpyna keltirý úshin áreket etedi.
