Frantsııada elektr energııasyn tutyný rekordtyq deńgeıge jetti

ASTANA. KAZINFORM — Dúısenbide Frantsııada elektr energııasyn tutyný kórsetkishi ótken jylǵy deńgeıden asyp, jańa sharyqtaý shegine jetti, dep habarlaıdy Kazinform menshikti tilshisi.

Frantsııadaǵy ereje ózgerissiz qalyp otyr. ıAǵnı aýanyń temperatýrasy tómendese, elektr energııasyn tutyný arta túsedi.

RTE elektr jetkizý jelisi operatorynyń málimetinshe, 5 qańtarda saǵat keshki 19:00-de tutyný kórsetkishi 89 GVt-qa jetti. Frantsýz BAQ-tarynyń habarlaýynsha, seısenbide bul kórsetkish 90 GVt-qa jetýi múmkin.

Byltyrǵy 14 qańtarda tańǵy saǵat 8:45-te kórsetkish 87 GVt-qa jetken edi. Bul 2012 jyldyń 8 aqpanynda tirkelgen 102 GVt-tan áli alys, bul Frantsııanyń energııany tutyný kórsetkishi boıynsha absolıýttik rekordy bolǵan.

— Biraq sodan beri jabdyqtar áldeqaıda tıimdirek boldy, al tutynýshylar energııany únemdeýge belsendirek kiristi, — dep jazdy frantsııalyq basylym.

Bul derekterde jaqsy jańalyqtar da jasyrylǵan: Frantsııada tipti qatty aıaz kezinde de elektr energııasyn óndirý tıisti deńgeıde qalyp otyr. Eldegi atom reaktorlarynyń parki onyń qajettilikterin qanaǵattandyrýǵa múmkindik berip otyr.

Atom elektr stantsııalary kúndiz Frantsııanyń elektr energııasyna degen qajettiliginiń 60%-dan 72%-ǵa deıinin qamtamasyz etip otyr, bul gıdroenergetıka, jel jáne kún energetıkasynan asyp túsedi.

Qatty aıaz kezinde gaz áli de elektr energııasyn óndirýdiń shamamen 10%-yn quraıdy. Alaıda kómirmen jumys isteıtin eki elektr stantsııasy jumyldyrylǵan joq.

Frantsııa elektr energııasyn Ispanııa men Italııadan ımporttaǵanymen, ol sonymen qatar elektr energııasyn baǵasy aıtarlyqtaı joǵary Germanııa men Belgııaǵa da úlken kólemde eksporttap otyr.

Aıta keteıik, elimizde ekinshi AES óńir damýyna jańa serpin beretini týraly myna materıaldan oqı alasyz.