Frantsııada dızel otynynyń baǵasy 40 jyldaǵy eń joǵary deńgeıge jetti

Frantsııada dızel otynynyń baǵasy besinshi apta qatarynan ósip keledi. Olar tek sońǵy jeti kúnde 8 eýrotsentke, al Taıaý Shyǵystaǵy soǵys bastalǵannan beri — 50 eýrotsentke ósti. Dızel otyny — Frantsııada eń kóp tutynylatyn otyn, ol eldiń jalpy otyn naryǵynyń shamamen 68%-yn quraıdy. 

BFMTV telearnasynyń habarlaýynsha, Frantsııa úkimeti elde tapshylyq pen Taıaý Shyǵystaǵy qaqtyǵystyń kúsheıýi aıasynda otyn baǵasynyń ósýine qatysty alańdaýshylyqqa baılanysty tehnıkalyq standarttarǵa sáıkes kelmeıtin dızel otynyn satýǵa ýaqytsha ruqsat berý týraly sheshim qabyldaǵan.

Frantsııada benzın baǵasy da qymbattap jatyr. Sońǵy aptada Frantsııada E10 benzıniniń (quramynda etanol bar AI-95 balamasy) bir lıtriniń baǵasy 3 eýrotsentke, al Iran aınalasyndaǵy daǵdarystyń ýshyǵýynan beri — lıtrine 26 eýrotsentke ósti. Qazirgi kezde E10 benzıni bir lıtriniń baǵasy 1,9 eýro (1000 teńgeden sál astam) jáne birtindep 2 eýroǵa (1100 teńge) jaqyndap keledi. Etanolsyz kádimgi AI-95 benzıniniń baǵasy qazirdiń ózinde 2 eýrodan asty.

Baǵanyń aıtarlyqtaı ósýi tek Eýropa elderiniń Taıaý Shyǵystan dızel otynyn ımporttaýǵa táýeldiligimen ǵana emes, sonymen qatar dızel otyny men benzın arasynda salyq salýdaǵy aıyrmashylyqpen de túsindiriledi. Maqalada dızel otynyna salynatyn salyqtar benzınge salynatyn salyqtarǵa qaraǵanda tómen, bul munaı baǵasynyń dızel otynynyń baǵasyna áserin birshama kúsheıtedi, delingen materıalda.

Buǵan deıin Frantsııanyń ekonomıka jáne qarjy mınıstri Rolan Leskıýr el úkimetiniń sáýir aıynda Taıaý Shyǵystaǵy shıelenistiń kúsheıýine baılanysty otyn baǵasynyń kúrt ósýinen eń kóp shyǵynǵa ushyraǵan salalarǵa 70 mln eýro memlekettik kómek bólgenin málimdegen bolatyn.

Buǵan deıin EO Taıaý Shyǵystaǵy energetıkalyq nysandarǵa shabýyldardy toqtatýdy talap etkenin jazdyq.