Frantsııada blekaýt: myńdaǵan úıler men Kann kınofestıvali jaryqsyz qaldy

ASTANA. KAZINFORM — 24 mamyr kúni tańerteń Frantsııanyń ońtústiginde elektr jaryǵy sónip, shamamen 160 myń úı jaryqsyz qaldy, dep habarlaıdy CNN. 

Jergilikti ýaqyt boıynsha saǵat 10:00 shamasynda elektr qýatynyń úzilýi bastalyp, Kann halyqaralyq kınofestıvaliniń jumysyna áser etti. Frantsýzdyq RTE elektr kompanııasynyń málimetinshe, Kann, Antıb, Mandele jáne taǵy birneshe qala zardap shekken.

Elektr qýatynyń úzilýine eki oqıǵa sebep bolǵany aıtyldy. Birinshisi - Var departamentindegi Tanneronda joǵary voltty qosalqy stansada bolǵan órt, ekinshisi - birneshe saǵattan s Sent-Kassıen kóli aımaǵyndaǵy elektr berý munarasynyń qulaýy.

RTE habarlaýynsha, jaryqtyń óshýi dıversııa saldarynan bolýy múmkin. Qazirgi ýaqytta tekseris júrgizilýde.

Eske sala keteıik, Frantsııa EO-ǵa bıýrokratııamen kúreste belsendi bolýdy usyndy.