Frantsııada bes órt sóndirý bóliminen qutqarý quraldary urlandy
ASTANA.KAZINFORM - Frantsııada Parıjde órt sóndirýshilerdiń jumysqa qajetti resýrstardy kóbeıtýdi talap etip ótetin aktsııasy qarsańynda bes órt sóndirý bóliminen apattyq-qutqarý jabdyqtary urlanǵan, dep habarlaıdy, Anadoly.
Franceinfo qoǵamdyq telearnasynyń málimetinshe, osy aıda Rona departamentindegi tórt órt sóndirý bóliminen jáne Izer departamentindegi taǵy bir bólimnen jabdyqtar urlanǵan.
Órt sóndirý bólimderinen jol-kólik oqıǵasynan keıin kólikte qysylyp qalǵan adamdardy qutqarý úshin qoldanylatyn gıdravlıkalyq avarııalyq-qutqarý qaıshylary urlanǵan.
Quny birneshe myń eýrony quraıtyn bul jabdyq órt sóndirýshilerdiń jumysy úshin asa mańyzdy. Urlyq faktileri boıynsha tergeý bastaldy.
Bıyl aptap ystyqtan zardap shekken Frantsııada orman órtteriniń saldarynan 117 myń gektar jer órtenip ketti.
Órt sóndirýshiler óz mindetterin tıimdi oryndaý úshin qarjylandyrý men qyzmetkerler sanyn arttyrýdy talap etip otyr. Osyǵan baılanysty olar 29 qyrkúıekte Parıjde narazylyq aktsııasyn ótkizýdi josparlap otyr.
Buǵan deıin Frantsııada orman órtterine qatysy bar degen kúdikpen 500-ge jýyq adam ustalǵany habarlanǵan.
Tájikstanda kedeılik deńgeıi 83%-dan 19%-ǵa deıin tómendedi.
