Frantsııada benzın baǵasy tarıhı rekord jańartty
ASTANA. KAZINFORM – Frantsııada benzın baǵasy baqylaý bastalǵan 1985 jyldan bergi eń joǵary deńgeıge jetti, dep habarlaıdy Le Figaro. Basylymnyń málimetine súıensek, benzınniń ortasha baǵasy lıtrine 2,11 eýro boldy.
95-E10 benzıni bir aptada taǵy 2,3 eýrotsentke qymbattap, baǵa qatarynan altynshy apta ósip keledi.
Elde kóp tutynylatyn dızel otynynyń ortasha baǵasy ótken aptanyń sońynda lıtrine shamamen 2,29 eýroǵa jetti. Bul bir apta burynǵy kórsetkishten 3,4 eýrotsent joǵary. Dızel baǵasy 2025 jylǵy sáýirde tirkelgen tarıhı maksımýmǵa – 2,31 eýroǵa jaqyndady.
Baǵanyń ósýi TotalEnergies janarmaı beketterinde benzın baǵasyn 1,99 eýro, dızeldi 2,25 eýro deńgeıinde shekteý engizgenine qaramastan jalǵasyp otyr.
Basylym Frantsııadaǵy janarmaı daǵdarysy ýshyǵyp bara jatqanyn atap ótti.
Baǵanyń ósýine negizinen Taıaý Shyǵystaǵy qaqtyǵys pen Ormýz buǵazy mańyndaǵy jaǵdaıǵa baılanysty álemdik munaı baǵasynyń qymbattaýy sebep bolyp otyr.
Aıta keteıik, búgin ǵana Brent munaıynyń baǵasy 110 dollarǵa jaqyndady.
Al Saýd Arabııasyndaǵy munaı qubyrynyń toqtaýy álemdik munaı kóleminiń 4%-yna qaýip tóndirdi.
Sondaı-aq elimiz munaıdy kóbirek óńdep, shıkizat eksportyn azaıtpaq.
