Frantsııada avtobýs aýdarylyp, 40-qa jýyq adam zardap shekti

ASTANA. KAZINFORM – Frantsııada jolaýshylar avtobýsy 5 kólikke soǵyldy. Apat saldarynan 5 adam aýyrýhanaǵa jetkizildi, budan bólek taǵy 31 jolaýshy zardap shekti, dep habarlaıdy Kazinform-nyń menshikti tilshisi.

Oqıǵa Frantsııanyń Shevılı-Larıý (Val-de-Marnprefektýrasy) aýmaǵynda bolǵan. Kómekke 80-ge jýyq órt sóndirýshi jumyldyryldy.

Jergilikti bılik bul oqıǵany «Kaetano» daýylynan keıingi aýa raıynyń nasharlaýymen baılanystyrdy. Aýmaqta jaýyn, qar jaýyp, joldarda kóktaıǵaq bolǵan. Onyń ústine Val-de-Marn prefektýrasynda aýa raıynyń qolaısyzdyǵyna baılanysty qaýiptiliktiń qyzǵylt-sary dabyl deńgeıi jarııalandy.

Eske salsaq, Mysyrda eki poıyzdyń soqtyǵysýy saldarynan úsh adam qaza taýyp, taǵy 49 adam jaraqat aldy. Mysyr Densaýlyq saqtaý mınıstrligi málimdeme jasap, jaraqat alǵan 44 adamnyń densaýlyq jaǵdaıy qalypty ekenin aıtty.