Frantsııada anomaldy ystyqqa baılanysty 1350-ge jýyq mektep ýaqytsha jabyldy

ASTANA. KAZINFORM — Frantsııada qatty aptap ystyq saldarynan shamamen 1350 mekteptiń jumysy ýaqytsha toqtatyldy, dep jazady Anadolu. 

Jergilikti bıliktiń habarlaýynsha, qolaısyz aýa raıyna baılanysty keıbir oqý oryndary bir kúnge tolyq nemese jartylaı jabylǵan.

Météo-France meteorologııalyq agenttiginiń málimetinshe, eldiń 16 departamentinde, sonyń ishinde Parıjde, aýa raıyna baılanysty eń joǵary — qyzyl deńgeıdegi dabyl jarııalanǵan. Taǵy 68 departamentte aptapqa baılanysty «sary» deńgeı belgilengen.

Kúni boıy aýa temperatýrasy 20-dan 41 gradýsqa deıin jetýi múmkin dep kútilýde.

Buǵan deıin aptap ystyq Germanııaǵa jetkenin jazdyq.