Frantsııada 770 myń stýdenttiń jeke derekteri jarııa boldy

ASTANA. KAZINFORM — Frantsııada ulttyq mektep jáne ýnıversıtettik bilim berý máseleleri jónindegi ortalyqqa (Cnous) jasalǵan kıbershabýyl saldarynan shamamen 770 myń stýdenttiń jeke derekteri taralyp ketken, dep habarlaıdy Anadoly.

Ulttyq BAQ-tyń habarlaýynsha, bul oqıǵadan keıin Frantsııanyń Ulttyq bilim mınıstrligine qatysty shamamen 243 myń adamnyń deregi zańsyz alynǵan. Keıin negizgi nysana retinde stýdentterge arnalǵan memlekettik qyzmetterdi qamtamasyz etetin Cnous uıymy tańdalǵan.

Kıbershabýyl saldarynan shamamen 770 myń stýdenttiń derekterine ruqsatsyz qol jetkizilgen.

Osyǵan baılanysty tergeý bastaldy.

Cnous taratqan málimdemede shabýyldyń naqty kózi kórsetilmegen, alaıda bolashaqta mundaı jaǵdaılardyń aldyn alý úshin qaýipsizdik sharalary kúsheıtilgeni aıtylǵan.

Buǵan deıin, 19 naýryzda Frantsııanyń Ulttyq bilim mınıstrligi de qaýipsizdik máselesine tap bolyp, vedomstvo qyzmetkerleriniń shamamen 243 myń adamǵa qatysty jeke derekteri buzylǵan edi.

Aıta ketelik Úkimet jeke derekterdi qorǵaý talabyn jańartatyn qujatty bekitti.