Frantsııada 34 polıtsııa qyzmetkeri jaraqat aldy

ASTANA. KAZINFORM — Frantsııada úkimet saıasatyna qarsy «Barlyǵyn buǵattańdar» uranymen ótken narazylyqtarǵa 200 myńǵa jýyq adam qatysty, dep habarlaıdy AZERTADJ. 

Frantsııa Іshki ister mınıstrliginiń sońǵy derekterine sáıkes, 10 qyrkúıek kúni ótken narazylyq barysynda el boıynsha 675 adam qamaýǵa alyndy, sonyń ishinde Parıjde – 280 adam. Sondaı-aq 549 adam ýaqytsha qamaýǵa alyndy.

Saldarynan 34 polıtsııa qyzmetkeri jeńil jaraqat aldy: olardyń ishinde 19 – ulttyq polıtsııa qyzmetkerleri, 14 – Parıj polıtsııa basqarmasynyń qyzmetkerleri jáne 1 jandarm.

Frantsııa Іshki ister mınıstri Brıýno Retaıo 10 qyrkúıek kúni keshki baspasóz konferentsııasynda tártip saqshylary el aýmaǵynda túrli nysandardy, sonyń ishinde jol aıyryqtary men qoımalardy «buǵattaýdan bosatýǵa» baǵyttalǵan shamamen 50 operatsııa júrgizgenin habarlady.

Onyń aıtýynsha, bılik «eldi buǵattap tastaǵysy kelgenderdiń áreketin sátsizdikke ushyrata aldy».

Aıta ketelik Frantsııada 200-den astam adam qamaýǵa alynǵan edi.