Frantsııada 2027 jylǵy prezıdent saılaýynyń kúnderi belgilendi
ASTANA.KAZINFORM — Frantsııa Konstıtýtsııasyna sáıkes, saılaý qazirgi prezıdenttiń ókilettigi aıaqtalǵanǵa deıin 20-35 kún buryn ótkizilýi tıis, dep habarlaıdy Kazinform agenttiginiń Brıýsseldegi tilshisi.
Daýys berýdiń birinshi týry 2027 jyldyń 18 sáýirinde, al ekinshi týry 2027 jyldyń 2 mamyrynda ótedi.
Le Figaro gazetiniń habarlaýynsha, sheshim búgin Frantsııa Mınıstrler Keńesiniń otyrysynda qabyldanady.
Frantsııa Konstıtýtsııasyna sáıkes, saılaý qazirgi prezıdenttiń ókilettigi aıaqtalǵanǵa deıin 20-35 kún buryn ótkizilýi tıis.
Emmanıýel Makronnyń mandaty 2027 jyldyń 14 mamyrynda aıaqtalady. Sondyqtan tańdalǵan kúnder konstıtýtsııalyq talaptarǵa tolyq sáıkes keledi.
Makron 2017 jyldan beri Frantsııa prezıdenti qyzmetin atqarady. Onyń 2022 jyly bastalǵan ekinshi merzimi aıaqtalýǵa jaqyn.
Baqylaýshylar aldaǵy saılaý naýqanynyń eldegi jáne jalpy Eýropalyq Odaqtaǵy qazirgi saıası jaǵdaıǵa baılanysty shıelenisti ótýi múmkin ekenin atap ótedi.
Frantsııadaǵy prezıdent saılaýy dástúrli túrde tek Eýropada ǵana emes, sonymen qatar halyqaralyq deńgeıde de úlken qyzyǵýshylyq týdyrdy, sebebi Frantsııa EO-nyń iri ekonomıkalyq múshesi sanalady.
Buǵan deıin Kolýmbııanyń jańa prezıdenti saılanǵany habarlanǵan bolatyn.
